Algunas claves para otra mundialización

Zubirin (Nafarroa) sortu zen. Pilotari profesionala izan zen, baita Euskadiko Pilota Federakundeko presidentea ere, eta euskal kulturaren kiroletako batean aritu denaren pentsaera du oraindik ere. Gainera, bere jarduera-intelektualaren helburu nagusia herriaren alde egitea da, beraz, “kirol jarduera eta jarduera-intelektuala nire euskaldun izaeran bat egiten dute”. Bide horretan ekin zion Zuzenbide ikasketei Deustuko Unibertsitatean, eta Donostiako EHUko Zuzenbide fakultatean bukatu zituen, non egun Zuzenbidearen Filosofian katedraduna den. Donostiako Filosofia Juridikoaren Laborategia sortu zuen, eta Oñatiko Soziologia Juridikoaren Nazioarteko Institutua eratu. Gerora argitalpen bihurtu diren hamaika ikerketa egin ditu; besteak beste, hauek dira nagusienak: Naturaleza y Derecho en J. J. Rousseau (1986), Cuba y Puerto Rico: a 100 años del desastre del 98 (1999), eta Apuntes para la Sociedad, el Estado y el derecho de la postmodernidad (2001), Algunas claves para otra mundualización (Txalaparta 2010). Izandako planteamendu originalek eta berritasun handiko proposamenek eztabaida interesgarriak eragin dituzte, diskurtso neoliberal autoasegarria zalantzan jarri dutenak.