50 fechas clave de la conquista de Navarra (1512-1525)

2013

Erraz etortzen zaizkigu gogora zenbait irudi, hala nola, Kristobal Kolon Ameriketara iristen, Agustina Aragoikoa frantsesen kontrako borroka zuzentzen, Vertzingetorix galiarra legio erromatarrei aurre egiten eta Joana Arc-ekoa patxada handiz urkamendira igotzen. Aldiz, nolakoa izan zen Amaiurko erresistentzia heroikoa, Pedro Nafarra mariskalaren heriotza edo Joana Garroren aurpegia, espainiarrek hil eta erre zutenean?Lan honek nafar erresistentziako paisaiak eta pertsonaiak birsortu nahi ditu, 1512tik 1525era bitartean Gaztelako inbasioari aurre egin zioten haiek, alegia. Horretarako, ikerketa historikoak dakarren zorroztasuna lagun, Nafarroako Erreinuaren konkistako 50 gertaera esanguratsuenak berreraiki dituzte Joseba Asironek eta Martintxo Altzuetak, marrazki bidez betikotzeko. Geure herri-imaginarioa sortzeko urrats bat gehiago; ahanztura nagusitu den 500 urte baino gehiagorekin bukatzeko saiakera bat.

0,00 €

15,68 € Kluba

Kopurua

Erosi

Xehetasunak

Argitaletxea Txalaparta

Bilduma ORREAGA

Generoa Saiakera

Edizioa 1

ISBN 978-84-1531-365-6

Hizkuntza Gaztelania

Herrialdea Euskal Herria

Argitalpen data 2013 aza 1

Orri kopurua 120

Pisua 304gr

Informazio gehiago

Zure iritzia eman liburuaz

Iruzkinak 0 iruzkin

Egilea/k ezagutu

Joseba Asiron Saez

Iruñea (Nafarroa), 1962

Artearen historian lizentziatu zen Zaragozako Unibertsitatean. Nafarroako Unibertsitatean egin zuen doktoretza, Nafarroako Erdi Aroko dorretxeei buruzko tesi batekin. Hainbat lan kaleratu ditu bakarrik edo elkarlanean, besteak beste, Nafarroa, amets urratua (Elkar, 2012) komikia, 50 fechas clave de la conquista de Navarra (Txalaparta, 2013) eta Euskal Herriko historia ilustratua (Txalaparta, 2014) Martintxo Altzuetarekin batera eta Agur, Iruñea (Txalaparta, 2014). Nafarroa Bizirik eta Nabarralde elkarteetako kide da, eta zenbait egunkaritan artikuluak idatzi eta zutabegilea izan da, hala nola, «Adiós Pamplona» atala Diario de Noticias kazetan. 2015eko ekainetik aurrera Iruñeko alkatea da.

Joseba Asiron Saez idazlearen beste liburu batzuk

Martín Alzueta 'Martintxo'

Iruñea, 1972

Hainbat komunikabidetan kaleratu ditu bereizgarri bihurtutako olio-pinturak, hala nola, Nabarra eta La voz de la merindad aldizkarietan eta Berrian eta Egunkarian. Horietan guztietan kritika sozial eta politikoa eta umore grafikoa landu ditu, batetik bestera saltoka. 2008an Joseba Asiron ezagutu zuen, eta elkarrekin Amaiurko gaztelua berreraiki zuten marrazki bidez, eta Amayur. Los últimos navarros (Txalaparta, 2008) liburuan argitaratu. Lau urte geroago, bi lagunen eskutik iritsi zitzaigun Nafarroa, amets urratua (Elkar, 2012) komikia eta horren gaztelaniazko bertsioa, eta 2013an, berriz, 50 fechas clave de la conquista de Navarra (Txalaparta).

Harremanetan jarri