Txalaparta Nafarroako Ekonomia Solidarioaren 7. Azokan

Ekitaldi hau ekonomia solidarioaren eta kontsumo arduratsuaren alde egiten duten enpresen eta erakundeen espazio erreferentzial bihurtu da. Merkatu Sozialaren adierazpen garrantzitsuenetarikoa izanen da azoka, horren eratze prozesua eta bilakaera aurkeztu, azaldu eta zehaztu nahi baita.

Azoka honen helburua ekonomia solidarioa indartzea eta ikusaraztea da; hazten ari den errealitate sozioekonomiko honek bere jarduteen bitartez erantzun eta pauso errealak eman ditu hainbat sektoretan, hala nola, produkzioaren sektorean, zerbitzuetan, komertzializazioan, kontsumoan eta sektore finantzarioan, betiere bideragarritasuna errealitate integralean, ekonomikoan, sozialean eta ingurugiroan oinarritzen duten enpresa-eredu eta proiektu sozialen bidez. Azoka honekin, Merkatu Soziala herritarrei ezagutarazi nahi diegu, eta barne-lankidetza eta kontsumo arduratsua sustatu nahi dugu pertsona eta elkarte produktoreen eta kontsumitzaileen artean.

Merkatu sozialean parte hartzen duten ekonomia solidarioko elkarte eta enpresa ezberdinetako stand informatiboak egonen dira azokan, baita salgaiak eta bestelako zerbitzuak ere: finantza etikoak, garraio jasangarria, bidezko merkataritza, energia-iturri berriztagarriak, eraikuntza, ehungintza, posta, turismo arduratsua eta lan-gizarteratzea, besteak beste. Horrez gain, aurkezpenak, erakusketak eta jarduera kulturalak izanen dira.

Ordutegiak

• Martxoak 29, ostirala: 17.00 - 20:30.
• Martxoak 30, larunbata: 10:00 - 14:30 / 16:30 - 20:30.
• Martxoak 31, igandea: 10:00-14:30.