Une honetan ez duzu ezer saskian. 
Nafarroako Komikiaren IX. Azoka
Erakusketa: “Gerezi garaia. Utopia binetetan"
Liburuaren zirriborroak, apunteak, oharrak, gidoiak, argazkiak eta Lucio Urtubiaren jatorrizko materiala
Aste hauetan egiten ari den Nafarroako Komikiaren IX. Azokako protagonistetako bat da Gerezi garaia, Belatzek Lucio Urtubiari buruz egin duen eleberri grafikoa. Alde batetik, Kondestable Jauregian erakusketa bat dago ikusgai, liburuaren prestaketan erabilitako jatorrizko materialekin, eta, bestetik, irailaren 27rako jendaurreko solasaldi bat antolatu da egilearekin.
“Gerezi garaia. Utopia binetetan" izeneko erakusketan liburuaren jatorrizko orriak ikus daitezke, eta, bertan, arkatz urdinez eta tintaz egindako marrazkiak, eskaneatu eta digitalki koloreztatu aurrekoak. Horrez gain, zirriborroak, apunteak, oharrak, gidoiak, Luciok faltsifikazioetan erabiltzen zuen jatorrizko materialaren argazkiak, eta anarkista nafarrak berak eskuz idatzitako zenbait ohar. Iruñeko Kondestable Jauregian dago erakusketa, urriaren 7a arte. ordutegia: astelehenetik igandera, 9:00etatik 14:00etara eta 17:30etik 21:30era.
Erlazionatutako liburuak
Albiste eta ekimen berriak
Euskal Herriko historia XX.mendean
El pulso de la calle, en una novela negra
2025.02.11
La toma de conciencia del colonizado
2025.02.10
Iruzkinak 0 iruzkin