Txalapartaren liburu-denda Gazte Topagunean

Argitaletxe independenteen azken nobedadeak eta liburu politikoaren aukeraketa bat. Zatoz gugana!

Fecha: 19 abr 2019 al 21 abr 2019

Lugar: Ongi etorri gunean, Atxeta plazan (LEMOA)

Eventos

Ernai eta Aitzina gazte antolakundeak buru-belarri ari dira aurtengo Gazte Topagunea antolatzeko lanetan. Hitzordua Lemoan izanen dugu, apilaren 19, 20, 21 eta 22arekin. Aurten, gazte antolakundeek 40. urteurrena betetzen duten honetan, egitarau zabala eta belaunaldi artekoa prestatu dute. Hitzaldi, kontzertu eta tailerrez gainera, Txalapartaren liburu-azokan murgiltzeko aukera izanen dute bisitariek eta herritarrek. Marko inkonparable horretan aurkeztuko dugu, nola ez, ...eta segi aurrera! liburua, ezker abertzaleko gazte antolakundeen historia biltzen duena. Gainera, Aitor Agirrezabal kazetariak ere, Altsasu. El caso Alsasua liburuaren egileetako batek, hitzaldia eskainiko du.

Ongi etorri gunean, Atxeta plazan, gure liburu-denda zabalik egonen da hiru egunez, ostiraletik igandera bitarte, 10:30tik 20:00etara. Bertan, Txalapartaren eta beste argitaletxe independenteen azken nobedadeak eskuratzen ahalko dituzu, baita liburu politikoaren aukeraketa bat ere: feminismoa, sozialismoa, internazionalismoa, memoria historikoa, gazteria, antifaxismoa... Zatoz gugana! Irakurriz irauli!

1979ko maiatzaren 10ean aurkeztu zen jendaurrean Jarrai. Berrogei urte igaro dira ordutik. Jaso, hautsi eta pusketetatik berria sortu. Berrogei urte eta oraino eskutik eskura darabilgu eltzea, igaroaldiak bezainbat moldatze izan dituela. Hori ospatu asmo du liburuak.

Ostiralean, apirilaren 19an, aurkeztuko da Lemoan saiakera kolektibo hau. 13.00etan izanen da, Akeita-Naiz gunean. Liburua salgai izanen dugu liburu-azokan ere.

Altsasuko kasuaren bidegabekeri judizial, politiko eta mediatikoak aztertuko ditu Aitor Agirrezabal Altsasu. El caso Alsasua liburuaren egileak larunbatean, apirilaren 20an, eskainiko duen hitzaldian. Gaztetxean izanen da, 17.30ean.